သု​တေသနသ​ဘောတရားများ

Ph.D Thesis (ပါရဂူဘွဲ့ယူကျမ်း) ပြုလုပ်မည့်သူတွေအတွက်ကူးယူဖော်ပြခြင်းဖြစ်ပါတယ်...Thesis စလုပ်မဲ့သူတွေအတွက်အလွန်တန်ဖိုးရှိပါတယ်...

Thesis လုပ်နေတဲ့အချိန်မှာအခက်အခဲပေါင်းမြောက်များစွာကြုံရပေမဲ့ကိုယ့်ရဲ့ရှာဖွေတွေ့ရှိမှုအသစ်ကခိုင်မာပြီးသက်ဆိုင်ရာပါမောက္ခတွေရဲ့သဘောတူညီမှုရတဲ့အချိန်မှာဖြစ်တဲ့ပီတိကတော့ဘာနဲ့မှမလဲနိုင်ပါဘူး...

=======================

Ph.D Proposal (ပါရဂူဘွဲ့ယူရန် အဆိုပြုချက်) တစ်ခုကို ဘယ်လို ရေးသားရမလဲ 

 Ph.D  Candidade (ပါရဂူဘွဲ့ယူရန် အားထုတ်နေသူ) တစ်ဦးအနေနဲ့ Ph.D proposal (ပါရဂူဘွဲ့ယူရန် အဆိုပြုချက်) တစ်ခုကို ဘယ်လို ရေးသားရမလဲ ဆိုတာနဲ့ စပ်လျဉ်းပြီး သိရှိနားလည်သလောက်ကို Share ခြင်းဖြစ်ပါတယ်။ 

 ပါရဂူဘွဲ့ယူရန် အားထုတ်နေသူဟာ သူ စူးစမ်းလေ့လာမှုပြုရမယ့် ကိစ္စက အသေးအမွှားကလေးပင် ဖြစ်ပါစေ 

(၁) သိပ္ပံနည်းကျနည်းနာဗေဒ (Scientific   Methodology) ကို အသုံးပြုခြင်း၊

(၂) ကျိုးကြောင်းခိုင်လုံမှု (Validity) ရှိမရှိသုံးသပ်ခြင်း၊

(၃) ယုံကြည်ကိုးစားနိုင်မှု (Reliability) ရှိ၊ မရှိသုံးသပ်ခြင်းနဲ့

(၄) ဘက်လိုက်မှုကင်းစွာ ကောက်ချက်ချခြင်း (Unbiased  Conclusion)

တို့လို တင်းကျပ်တဲ့ စမ်းသပ်စစ်ဆေးမှုတွေကို မဖြစ်မနေဖြတ်ကျော်ရမှာ ဖြစ်ပါတယ်။

 သိပ္ပံနည်းကျနည်းနာဗေဒဆိုရာမှာ 

(က) အမျိုးအစားခွဲခြားနည်း (Qualitiative  Method)၊  

(ခ) ပမာဏခွဲခြားခြင်းနည်း (Quantiative  Method) ၊ 

(ဂ) ကွင်းဆင်းစမ်းသပ်ခြင်းနည်း (Experimental  Method) နဲ့ 

(ဃ) ရှုမြင်သုံးသပ်ချက်နည်း (Observation  Method) တို့ကို အသုံးပြုရမှာဖြစ်ပါတယ်။

 ကျိုးကြောင်းခိုင်လုံမှု ရှိ၊ မရှိသုံးသပ်ရာမှာ အမေးပုစ္ဆာတွေထုတ်ပြီး ဖြေကြားစေတဲ့ ယုတ္တိနည်းကျ လုပ်ထုံးလုပ်နည်း (Logical  Procedure  to  Answer  the  Questions) ကို အသုံးပြုရပါမယ်။

 ယုံကြည်ကိုးစားနိုင်မှု ရှိ၊ မရှိဆန်းစစ်ရာမှာ တိုင်းတာတဲ့ စံချိန်စံညွန်းတွေ (Quality  of  Measurement) ရဲ့ အရည်အသွေး မြင့်မားဖို့ လိုပါတယ်။

 ဘက်လိုက်မှုကင်းရှင်းတဲ့ ကောက်ချက်ချနိုင်ဖို့အတွက်တော့ လူတစ်ဦးတစ်ယောက်ရဲ့ အကျိုးစီးပွားမှ ကင်းလွတ်ကြောင်း (Free  from  Individual  Interest) သေချာစေဖို့အတွက် ဖြောင့်မတ်မှန်ကန်တဲ့ တိုင်းတာမှုတွေကို ပြုလုပ်ဖို့ လိုအပ်ပါတယ်။

လက်တွေ့ကျပြီး ပကတိအရှိတရားဖြစ်တဲ့ Ph.D အဆိုပြုစာတမ်း (PhD  Proposal) တစ်စောင် ရေးသားဖို့အတွက် လုပ်ငန်းစဉ်နဲ့ လုပ်ထုံးလုပ်နည်းအဆင့်ဆင့်ကို ဆက်လက် လေ့လာဆန်းစစ်တင်ပြသွားပါမယ်။ 

ဆိုလိုတာက Ph.D ကျောင်းသားတစ်ဦးအနေနဲ့ နိုင်ငံတကာအဆင့်မီ Ph.D အဆိုပြုစာတမ်းတစ်စောင် ရေးသားနိုင်ဖို့ ပြီးပြည့်စုံတဲ့ လမ်းပြမြေပုံတစ်ခုကို ပံ့ပိုးပေးဖို့ရည်ရွယ်ပါတယ်။

Ph.D အဆိုပြုစာတမ်းတစ်စောင်မှာ.. 

(၁) အကျဉ်းချုပ် (Abstract)၊ 

(၂) နိဒါန်း (Introduction)၊ 

(၃) ပြဿနာသတ်မှတ်ချက် (Problem Statement)၊ 

(၄) သုတေသနမေးခွန်းများ (Research  Question)၊ 

(၅) စာတမ်းသုံးသပ်ဆန်းစစ်ချက် (Literature  Review)၊ 

(၆) သုတေသနနည်းနာဗေဒ (Research  Methodology)၊ 

(၇) သုတေသနရလဒ်များ (Research  Results)၊ 

(၇) နိဂုံးကောက်ချက် (Conclusion)၊ 

(၈) ဆွေးနွေးချက် (Discussion) နဲ့ 

(၉) ပတ်သက်အကျုံးဝင်မှု (Implication) တို့ကို ဖော်ပြပေးရမှာဖြစ်ပါတယ်။

သုတေသနရဲ့ အဓိပ္ပာယ်ကို အသေးစိတ်ဖွင့်ဆိုရမယ်ဆိုရင် အနုမာနအဆိုကြမ်းကို စမ်းသပ်စစ်ဆေးခြင်း၊ အမေးပုစ္ဆများကို ဖြေဆိုခြင်း၊ စောဒကတက်မယ့် မေးခွန်းအသစ်များကို ဖန်တီးခြင်း၊ အဖြေများကို ရှာဖွေခြင်းနဲ့ အသိပညာအသစ်တစ်ခုကို ထုတ်ဖော်တင်ခြင်းအားဖြင့် တစ်စုံတစ်ရာနဲ့ စပ်လျဉ်းတဲ့ ပကတိအရှိတရားကို စူးစမ်းရှာဖွေမှုတစ်ခုပဲဖြစ်ပါတယ်။

 သုတေသနပြုတယ်ဆိုတာ အသိပညာအသစ် (New  Knowledge) တစ်ခုကို ဖော်ထုတ်ဖို့အတွက် အရေးပါအရောရောက်တဲ့ ပြဿနာတစ်ခုကို ဖြေရှင်းရန် သိပ္ပံနည်းကျနည်းပညာကို အသုံးပြုသော ကြိုတင်ကြံရွယ်ထားတဲ့ စုံစမ်းစစ်ဆေးမှုတစ်ခုကို ဆောင်ရွက်ခြင်းပဲဖြစ်ပါတယ်။

သုတေသနပြုခြင်းကို ထပ်မံအသေးစိတ်ဖွင့်ဆိုရမယ်ဆိုရင် အနုမာနအဆိုကြမ်းကို စမ်းသပ်စစ်ဆေးခြင်း၊ မေးခွန်းများကို ဖြေဆိုခြင်း၊ စောဒကမေးခွန်းအသစ်များကို ဖန်တီးခြင်း၊ အဖြေများကို ရှာဖွေခြင်းနဲ့ အသိပညာအသစ်တစ်ခုကို ဖန်တီးခြင်းအားဖြင့် တစ်စုံတစ်ရာနဲ့ စပ်လျဉ်းသော ပကတိအရှိတရားကို စူးစမ်းရှာဖွေဖော်ထုတ်ခြင်းပဲဖြစ်ပါတယ်။

အဲဒီလို စူးစမ်းရှာဖွေဖော်ထုတ်လိုက်တဲ့ အသိပညာအသစ်ဟာ အသုံးဝင်ခြင်း၊ ပြန်လည်အသုံးချနိုင်ခြင်းနဲ့ တခြားသုတေသီတွေရဲ့ စိန်ခေါ်မှုကို ရင်ဆိုင်ဖြေရှင်းနိုင်စွမ်းရှိခြင်းဆိုတဲ့ ဂုဏ်အင်္ဂါတွေနဲ့ ပြည့်စုံရပါမယ်။ 

သုတေသနတစ်ခုအဖြစ် အရည်အသွေးပြည့်မီဖို့ဆိုရင် 

(၁) သိပ္ပံနည်းကျနည်းနာဗေဒ (Scientific  Methology)၊ 

(၂) ကျိုးကြောင်းခိုင်လုံမှု (Validity) ရှိ၊ မရှိသုံးသပ်ခြင်း၊ 

(၃) ယုံကြည်ကိုးစားနိုင်မှု (Reliability) ရှိ၊ မရှိသုံးသပ်ခြင်းနဲ့ 

(၄) ဘက်လိုက်မှုကင်းစွာ ကောက်ချက်ချခြင်း (Unbiased  Conclusion) တို့လို တင်းကျပ်တဲ့ စမ်းသပ်စစ်ဆေးမှုတွေကို မဖြစ်မနေဖြတ်ကျော်ရမှာ ဖြစ်ပါတယ်။

အဆိုပြုချက် (Proposal) ဟာ သုတေသနတစ်ခုရဲ့ ကိုယ်ပိုင်ဟန်ကို မီးမောင်းထိုးပြရမယ့် ခိုင်မာပြီး ယုံကြည်လောက်တဲ့ ပီအိတ်ခ်ျဒီကျမ်းစာတမ်း (Ph.D  thesis) ဆိုင်ရာ အခြေခံမူဘောင်တစ်ခုဖြစ်ပါတယ်။

အဆိုပြုချက်ဟာ လက်ရှိ တည်ရှိနေတဲ့ အသိဥာဏ်ပညာဆိုင်ရာ ဗဟုသုတ (အသိပညာ) ထဲဆီသို့ ဘယ်လို ထူးခြားတဲ့ ပါဝင်အကျိုးပြုမှုတစ်ရပ်ဖြစ်ကြောင်းကိုလည်း အသေးစိတ်ချပြဖို့ လိုအပ်ပါတယ်။

အဆိုပြုချက်ဟာ အဆိုပြုထားတဲ့ ပြဿနာနဲ့ စပ်လျဉ်းတဲ့ လက်ရှိ အယူအဆတစ်ရပ်ကို စိန်ခေါ်ခြင်း သို့မဟုတ် ထောက်ခံအတည်ပြုပေးခြင်းဖြစ်ရပါမယ်။

အဆိုပြုချက်က ပီအိတ်ခ်ျဒီ ဘွဲ့ယူဖို့ အားထုတ်ကြိုးပမ်းနေသူဟာ သူအဆိုပြုထားတဲ့ သုတေသနကို ပြုလုပ်ဖို့ ဘာ့ကြောင့်ထိုက်တန်သလဲဆိုတာကိုပါ ရှင်းပြရမှာဖြစ်ပါတယ်။

အဆိုပြုချက်ဟာ ပြဿနာရဲ့ မူလအခြေအမြစ်ကို ရှင်းလင်းစွာဖွင့်ဆိုပြပြီး  အဆိုပါ ပြဿနာကို အမည်ပြုခြင်း သို့မဟုတ် ငြင်းပယ်ခြင်းပြုလုပ်ဖို့အတွက် အသုံးပြုမယ့် ဝေဖန်ပိုင်းခြားတွေးခေါ်မှု (Critical  Thinking) နဲ့ ကျွမ်းကျင်မှုများ (Skills) ကိုပါ ဖော်ပြရပါမယ်။

PhD အဆိုပြုချက်တစ်ခုဟာ အထက်မှာဖော်ပြခဲ့တဲ့ သိပ္ပံနည်းကျသုတေသန လုပ်ထုံးလုပ်နည်း တစ်ရပ်ရဲ့ အင်္ဂါရပ်တွေနဲ့ မဖြစ်မနေပြည့်စုံရန်လိုအပ်ပါတယ်။

 အဆိုပြုချက်က ပြဿနာကို ဘယ်ပုံဘယ်နည်းနဲ့ ဖြေရှင်းသွားမလဲဆိုတာနဲ့ လက်ရှိအသိပညာအတွင်း တည်ရှိနေတဲ့ လစ်ဟာကွက်ကို ဘယ်လို ဖြည့်ဆည်းပေးမယ်ဆိုတာကို ရှင်းလင်းဖော်ပြရပါမယ်။

 ကောင်းစွာဖွင့်ဆိုရှင်းပြထားတဲ့ အဆိုပြုချက်တစ်ခုဟာ လေ့လာဆန်းစစ်မှုပြုရာမှာ အသုံးပြုမယ့် မှန်ကန်သော နည်းနာဗေဒကို ရှင်းလင်းဖော်ပြရမှာဖြစ်ပြီး ဘာ့ကြောင့် အဆိုပါ နည်းနာဗေဒကို အသုံးချရသလဲ ဆိုတာကိုပါ ယုတ္တိတန်တဲ့ အကြောင်းပြချက်ကိုလည်း ပေးရမှာဖြစ်ပါတယ်။

 ပြည့်စုံလုံလောက်စွာ ဒီဇိုင်းပြုပုံဖော်ထားခြင်း မရှိတဲ့ သုတေသနအဆိုပြုချက်ဟာ ပီအိတ်ခ်ျဒီသုတေသနကို မစို့မပို့ အရာမထင်ဘဲ ပြီးဆုံးသွားစေတတ်ပါတယ်။

အထက်ဖော်ပြပါ ဖွင့်ဆိုရှင်းပြချက်တွေကို ထောက်ရှုခြင်းအားဖြင့် ပီအိတ်ခ်ျဒီအဆိုပြုချက်တစ်ခုဟာ အောက်ဖော်ပြပါ မေးခွန်းတွေကို မဖြစ်မနေဖြေဆိုရပါလိမ့်မယ်။

(၁) ကျွန်တော်က ဘာကိုလုပ်မှာလဲ။

(၂) အလားတူသုတေသနမျိုးကို ဘယ်သူက ပြုလုပ်ပြီးပြီလဲ။

(၃) သူက ဘာကို တွေ့ရှိခဲ့သလဲ။

(၄) ဒီလေ့လာဆန်းစစ်မှုကို ကျွန်တော်က ဘယ်ပုံဘယ်နည်းနဲ့ လုပ်ဆောင်သွားမှာလဲ။

(၅) ဒီလေ့လဆန်းစစ်ချက်ဟာ ဘာ့ကြောင့် အလွန်ထူးခြားနေရသလဲ။

အဆိုပါမေးခွန်းတွေ ဖြေဆိုကြည့်ပြီးတဲ့အခါမှာ မိမိအဆိုပြုချက်မှာပါဝင်တဲ့ ပြဿနာနဲ့ အလားတူပြဿနာကို အဖြေရှာပြထားတဲ့ ပညာရပ်ဆိုင်ရာစာတမ်းတွေ (Academic Papers) ကို အလေးဂရုပြု ရွေးချယ်ပြီး ရည်ညွှန်းကိုးကားစရာအဖြစ် အသုံးပြုဖို့ အရေးကြီးပါတယ်။

၁။ အကျဉ်းချုပ် (Abstract) ရေးသားနည်း

 အကျဉ်းချုပ်ဟာ အရှုတ်ထွေးဆုံးဖြစ်သလို ပါရဂူဘွဲ့ယူကျမ်းစာရေးသားပြုစုခြင်းလုပ်ငန်းစဉ်ရဲ့ အလှပဆုံးအစိတ်အပိုင်းလည်းဖြစ်ပါတယ်။

 

အကျဉ်းချုပ်တစ်ခုရဲ့ အရေးအကြီးဆုံးအချက်က အဆိုပါအကျဉ်းချုပ်ကို ဖတ်မိသူဟာ ကျမ်းစာတစ်ခုလုံးကို ဖတ်ရှုချင်လာအောင် ဆွဲဆောင်မှုရှိဖို့ပဲဖြစ်ပါတယ်။

 

အကျဉ်းချုပ်တစ်ခုရဲ့ အဓိကမူလရည်ရွယ်ချက်က ဘွဲ့ယူကျမ်းစာရဲ့ ဖတ်ရှုသူအနေနဲ့ အဆိုပါ ကျမ်းစာရဲ့ အဓိကအခြေခံအချက်အလက်များကို နားလည်သဘောပေါက်သွားစေဖို့ပဲဖြစ်ပါတယ်။

 

မတူကွဲပြားတဲ့ အခြေခံမူတွေက အကျဉ်းချုပ်ရေးသားပုံရေးသားနည်းမျိုးစုံကို ဖြစ်ပေါ်စေတာမှန်ပေမဲ့ အကျဉ်းချုပ်ရေးသားခြင်းအတွက် လမ်းပြမြေပုံကတော့ အားလုံး အတူတူပဲဖြစ်ပါတယ်။

အကျဉ်းချုပ်တစ်ခုမှာ မဖြစ်မနေပါရမယ့် အချက်တွေက …

(၁) ပြဿနာသတ်မှတ်ချက် (Problem  Statement) တည်ဆောက်ခြင်း။

(၂) ရည်မှန်းချက်များနဲ့ သုတေသနပြုမယ့် နယ်ပယ်အကျယ်အ၀န်းကို သတ်မှတ်ခြင်း။

(၃) သုတသနပြုရာမှာ အသုံးပြုမယ့် နည်နာ (သီအိုရီများ၊ အမျိုးအစားခွဲခြားနည်း၊ ပမာဏခွဲခြားနည်း) နဲ့ စူးစမ်းလေ့လာဆန်းစစ်ရာမှာ အသုံးပြုမယ့် နည်းလမ်း (ကိရိယာတန်ဆာပလာများ) ကို သတ်မှတ်ခြင်း။

(၄) မိမိရဲ့ ကိုယ်ပိုင်မှတ်ချက်တစ်စုံတစ်ရာ မထည့်သွင်းထားတဲ့ ရလဒ်များနဲ့ တွေ့ရှိချက်များ။

(၅) နိဂုံးကောက်ချက်နဲ့ အဆိုပါနိဂုံးကောက်ချက်ရဲ့ ထူးခြားချက်တွေကို အနှစ်ချုပ်ဖော်ပြချက်တစ်ရပ်တို့ ပါဝင်ရပါမယ်။ 

စံနမူနာပြုရမယ့် လျစ်လျစ်တဲ့ အကျဉ်းချုပ်ဖော်ပြချက်တစ်ခုကို အောက်မှာ ဖော်ပြလိုက်ပါတယ်။

 ယခုပြုလုပ်တဲ့ သုတေသနမှာ စူးစမ်းရှာဖွေဖော်ထုတ်မယ့် ပြဿနာက နိုင်ငံခြားဘာသာသင် သင်တန်းကျောင်းအများစုဟာ နိုင်ငံခြားဘာသာစကားကို လေ့လာသင်ကြားလိုသူများအကြားမှာ လတ်တလော ပြောင်းလဲလာတဲ့ ပါရာဒိုင်းကို အနည်းအကျဉ်း မဆိုစလောက်သာ သို့မဟုတ် လုံးဝဥဿုံ အလေးဂရုမပြုခြင်းပဲ ဖြစ်ပါတယ်။

 ဒီလို ကွင်းဆင်းလေ့လာသုတေသနပြုမှု (Experimental  Research) ရဲ့ အဓိကပင်မရည်မှန်းချက်က  တရုတ်ဘာသာစကားကို သင်ကြားပို့ချရာမှာ မတူကွဲပြားတဲ့ သင်ရိုးဒီဇိုင်းပုံစံနှစ်ခုရဲ့ အကျိုးသက်ရောက်မှုကို နှိုင်းယှဉ်သုံးသပ်ဖို့ ဖြစ်ပါတယ်။

 ပမာဏခွဲခြားနည်း (Quantitative Method)၊ အမျိုးအစားခွဲခြားနည်း (Qualitative Method) နဲ့ သရုပ်ဖော်နည်း (Descriptive Method) တို့ပါဝင်တဲ့ သုံးဖက်စုံနည်းလမ်း (Triangulation Method) တစ်ရပ်ကို စူးစမ်းလေ့လာမှုမှာ အသုံးပြုပါမယ်။

(ပမာဏခွဲခြားနည်း (Quantitative Method) ကို သဘာဝသိပ္ပံပညာရပ်နဲ့ လူမှုသိပ္ပံပညာရပ်တို့မှာ အသုံးပြုလေ့ရှိပြီး စာရင်းအင်းဗေဒနည်း သို့မဟုတ် သချာင်္ပညာနည်း သို့မဟုတ် ကွန်ပျူတာပညာရပ်တို့ကို အသုံးချကာ လေ့လာနေတဲ့ ဖြစ်ရပ်ကို စနစ်တကျ ဒိဋ္ဌဓမ္မလေ့လာဆန်းစစ်တဲ့ နည်းလမ်းဖြစ်ပါတယ်။ 

ဒီနည်းလမ်းရဲ့ ရည်ရွယ်ချက်က လေ့လာနေတဲ့ ဖြစ်ရပ်နဲ့စပ်လျဉ်းတဲ့ အသုံးချသချာင်္မိုဒယ်များ သို့မဟုတ် သီအိုရီများ သို့မဟုတ် လေ့လာနေတဲ့ ဖြစ်ရပ်နဲ့ နှီးနွှယ်ဆက်စပ်နေတဲ့ အနုမာနမှန်းဆချက်ကို တည်ဆောက်ဖို့ပဲဖြစ်ပါတယ်။

အမျိုးအစားခွဲခြားနည်း (Qualitative Method) ဆိုတာ သဘာဝသိပ္ပံပညာနဲ့ လူမှုရေးသိပ္ပံပညာရပ်တို့ အပါအ၀င် လူမှုရေးပညာရပ်ဆိုင်ရာ ဥပဒေသများကို မတူကွဲပြားတဲ့ နည်းလမ်းမျိုးစုံသုံးပြီး စူစမ်းလေ့လာတဲ့ နည်းလမ်းတစ်ရပ်ဖြစ်ပြီး စီးပွားရေးနယ်ပယ်မှာ ဈေးကွက်သုတေသနပြုခြင်းနဲ့ အကျိုးအမြတ်မယူသော ၀န်ဆောင်မှုလုပ်ငန်းများနဲ့ စပ်လျဉ်းတဲ့ ကိစ္စတွေမှာလည်း အသုံးပြုလေ့ရှိပါတယ်။

သရုပ်ဖော်နည်း (Descriptive Method) ကို လက်ရှိလေ့လာနေတဲ့ လူဦးရေတစ်ရပ် သို့မဟုတ် ဖြစ်ရပ်တစ်ခုရဲ့ ထူးခြားသော ၀ိသေသလက္ခဏာများကို ဖွင့်ဆိုရှင်းပြတဲ့ နေရာမှာ အသုံးပြုပါတယ်။ 

သရုပ်ဖော်နည်းက အဆိုပါထူးခြားတဲ့ ၀ိသေသလက္ခဏာတွေဟာ ဘယ်ပုံဘယ်နည်း/ ဘယ်အချိန်မှာ/ ဘာကြောင့် ဖြစ်ပေါ်သလဲဆိုတဲ့ မေးခွန်းတွေကိုတော့ အဖြေ မပေးပါဘူး။

 

အချက်အလက်ကောက်ယူရာမှာ အသုံးပြုမယ့် နည်းနာနိဿယတွေကတော့ ကြိုတင်စမ်းသပ်ခြင်း (Pre-test)၊ ပြီးမှစမ်းသပ်ခြင်း (Post-test)၊ လူတွေ့မေးမြန်းခြင်းများ (Interviews) နဲ့ မေးခွန်းလွှာများပြုစုမေးမြန်းခြင်း (Questionnaires) တို့ပဲဖြစ်ပါတယ်။)

 

ရလဒ်တွေက တရုတ်ဘာသာ သင်ကြားရာမှာ BAIK နည်းလမ်းက သမားရိုးကျသင်ကြားပုံနည်းလမ်းထက် နောက်ဆုံးစာမေးပွဲကြီးမှာ ကျောင်းသားတွေရဲ့ စွမ်းဆောင်နိုင်မှုကို သိသိသာသာ မြှင့်တင်ပေးနိုင်ကြောင်း ဖော်ပြခဲ့ပါတယ်။

 အကျဉ်းခြုံးဆိုရရင် BAIK နည်းလမ်းက စာသင်သားကျောင်းသားတွေရဲ့ စိတ်နေသဘောထား၊ ကျေနပ်နှစ်သိမ့်မှု၊ လှုံ့ဆော်မှုနဲ့ တရုတ်ဘာသာစကားကို နိုင်ငံခြားဘာသာစကားတစ်ခုအဖြစ်နဲ့ သင်ကြားရခြင်း အပေါ်ထားရှိတဲ့ သဘောထား အမြင်တို့ကို သိသိသာသာ တိုးမြင့်စေပါတယ်။

၂။ နိဒါန်း (Introduction) ရေးသားနည်း

 နိဒါန်းဟာ PhD အဆိုပြုချက်ရေးသားရာမှာ အခက်ခဲဆုံး အစိတ်အပိုင်းတွေထဲက တစ်ခုဖြစ်ပါတယ်။ 

နိဒါန်းက မိမိရဲ့ ပါရဂူဘွဲ့ယူကျမ်းစာကို စစ်ဆေးသူများ သို့မဟုတ် ဖတ်ရှုသူများနဲ့ မိမိတို့အကြား အချီအချပြောဆိုမှုကို အစပြုစေပါတယ်။

မိမိရဲ့ နိဒါန်းက မိမိရဲ့ ရေးသားတင်ဆက်မှုအပေါ် ကောင်းကျိုးပြုနိုင်သလို ဆိုးကျိုးလည်းပေးနိုင် ပါတယ်။ 

မိမိကျမ်းစာရဲ့ နိဒါန်းက မိမိကျမ်းစာကို ဖတ်ရှုသူအပေါ် ဆွဲဆောင်သိမ်းသွင်းနိုင်တာနဲ့အမျှ မိမိဟာ ထောင်ချီတဲ့ သုတေသီတွေအကြားမှာ လူမှန်နေရာမှန်ရောက်ရှိလာသူတစ်ဦး ဖြစ်လာနိုင်ဖွယ်ရှိပါတယ်။

မိမိရဲ့ကျမ်းစာဟာ ကျမ်းစာဖတ်ရှုသူရဲ့ လိုအင်တွေကို ဘယ်အတိုင်းအတာအထိ ဖြည့်ဆည်းပေးနိုင်ကြောင်း မဖြစ်မနေပြသဖို့ လိုအပ်သလို အဆိုပါ ဖတ်ရှုသူအတွက် တခြားအထူးသီးသန့် အကျိုးကျေးဇူးတွေကို ရရှိနိုင်ကြောင်း ထင်ရှားပေါ်လွင်အောင် နိဒါန်းမှာ ရေးသားဖော်ပြရမှာဖြစ်ပါတယ်။

 

ဒါဟာ PhD အဆိုပြုချက်တစ်ခုကို ခင်ဗျား စတင်ရမယ့် နည်းလမ်းလည်းဖြစ်ပါတယ်။ 

 

အဲဒီနောက်မှာတော့ ခင်ဗျားဟာ ခင်ဗျားရဲ့ အဆိုပြုချက်ဖတ်ရှုသူနဲ့ မျက်နှာချင်းဆိုင်ရင်ဆိုင်ပြီး ခင်ဗျား ပါရဂူဘွဲ့ယူမယ့် ဘာသာရပ်နယ်ပယ်မှာ ခင်ဗျားဟာ အကောင်းဆုံး သုတေသီတစ်ဦးဖြစ်ကြောင်း စိန်ခေါ်ရပါတော့မယ်။

 

စစ်ဆေးမေးမြန်သူ (၀ါ) ဖတ်ရှုသူနဲ့ ရင်ဆိုင်ရာမှာ သိမ်မွေ့နူးညံ့ဖို့ လိုပေမဲ့ ကြောက်ရွံ့စရာရော၊ မျက်နှာချိုသွေးစရာရော မလိုအပ်ပါဘူး။

 

Ph.D ဘွဲ့ယူအဆိုပြုချက်ရဲ့ နိဒါန်းကို ရေးသားရာမှာ အရေးပါတဲ့အချက်တွေကတော့ …

(၁) မိမိရဲ့ ပြဿနာက ဘာလဲဆိုတာကို ဖတ်ရှုသူ သိနားလည်အောင် တင်ပြရပါမယ်။

(၂) အဆိုပါ ပြဿနာကြောင့် ဘယ်သူတွေ အတိဒုက္ခရောက်နေရသလဲဆိုတာကို တင်ပြရပါမယ်။

(၃) ခင်ဗျားအနေနဲ့ အဆိုပါ ပြဿနာကို ဘယ်နည်းဘယ်ပုံ ဖြေရှင်းသွားမလဲဆိုတာကို တင်ပြရပါမယ်။

(၄) ခင်ဗျားဟာ အဲဒီပြဿနာကို ဖြေရှင်းဖို့အတွက် အရည်အချင်းပြည့်မီပြီး မှန်ကန်တဲ့ နည်းလမ်းတွေကို အသုံးပြုထားကြောင်း အဆိုပြုချက်ဖတ်ရှုသူကို အသိပေးရပါမယ်။

(၅) ခင်ဗျားအနေနဲ့ အဆိုပါ ပြဿနာကို ဖြေရှင်းခြင်းအားဖြင့် ဖတ်ရှုသူမှာ ရရှိခံစားရမယ့် အကျိုးကျေးဇူးတွေကို ဖော်ပြရပါမယ်။

(၆) ခင်ဗျားအနေနဲ့ ဘာရလဒ်တွေ ရရှိလိမ့်မယ်လို့ မျှော်မှန်းထားသလဲ ဆိုတာကို ဖတ်ရှုသူ သဘောပေါက်အောင် တင်ပြရပါမယ်။

(၇) အဆိုပြုချက်ဖတ်ရှုသူများအတွက် မိမိရဲ့ အဆိုပြုချက်က အရေးပါအကျိုးရှိကြောင်း သေချာစွာ တင်ပြရပါမယ်။

(၈) မိမိရဲ့ အဆိုပြုချက်ရဲ့ မှန်ကန်မှုနဲ့စပ်လျဉ်းပြီး ရပ်တည်ပြောဆိုရာမှာ အလွန်အကျူး သို့မဟုတ် မဆိုစလောက် မဖြစ်ပါစေနဲ့။

၃။ ပြဿနာသတ်မှတ်ချက် (Problem  Statement) ရေးသားနည်း

 ပြဿနာသတ်မှတ်ချက်တစ်ခုဟာ ချက်ချင်းလက်ငင်း အလေးဂရုပြုမှုနဲ့ ဖြစ်နိုင်ဖွယ်ရှိတဲ့ အဖြေတစ်ရပ်တို့ကို အလိုရှိနေသော သီးခြားအခြေအနေ (Specific  Condition) တစ်ခုဖြစ်ပါတယ်။

 ပြဿနာသတ်မှတ်ချက်က လက်ရှိတည်ရှိနေတဲ့အသိပညာ (Existing  Knowledge) အတွင်းမှာ အရေးတကြီး စိုးရိမ်ဖွယ်ရာ အာရုံစိုက်ရန် လိုအပ်နေတဲ့ လစ်ဟာကွက် (Gap) ကို ဖြည့်ဆည်းပေးရန် အားထုတ်ချက်ပဲဖြစ်ပါတယ်။

အကောင်းဆုံး ပြဿနာသတ်မှတ်ချက်တစ်ခုဟာ စာတစ်ကြောင်း သို့မဟုတ် နှစ်ကြောင်းမျှသာ ဖြစ်ပါတယ်။

ကျန်ရှိတဲ့ စာပိုဒ်(များ)က အဲဒီ စာတစ်ကြောင်း နှစ်ကြောင်းအတွက် အသေးစိတ်ရှင်းပြချက်တွေသာ ဖြစ်ပြီး ဖြစ်နိုင်ခြေရှိတဲ့ အဖြေတစ်ရပ်အပါအ၀င် အဲဒါဟာ ပြဿနာတစ်ရပ်ဖြစ်ကြောင်း ဘယ်သူက ပြောသလဲဆိုတာကို (ပညာရှင်တွေရဲ့ ထုတ်ဖော်ပြောဆိုချက်များအား ရည်ညွှန်းကိုးကားပြီး) အရေးအကြီးဆုံးအနေနဲ့ ဖော်ပြရပါမယ်။ 

ပြဿနာအဆိုပြုချက်ဟာ သုတေသနပြုချက်က အဖြေရှာပေးရမယ့် မေးခွန်းတွေကို ဖော်ထုတ်ပေးရပါမယ်။

 Ph.D ဘွဲ့ယူရန်အတွက် အဆိုပြုချက်ပါ ပြဿနာ သတ်မှတ်ချက်ဟာ အောက်ဖော်ပြပါ မေးခွန်းတွေကို ဖြေဆိုဖို့ စိန်ခေါ်နိုင်စွမ်းရှိရပါမယ်။ 

(၁) ပြဿနာက ဘာလဲ။ ဘာလဲ။

(၂) ဘယ်နေရာမှာ ပြဿနာဖြစ်နေတာလဲ။ ဘယ်နေရာမှာလဲ။

(၃) ပြဿနာကို ဘယ်နည်းဘယ်ပုံ ဖြေရှင်းမှာလဲ။ ဘယ်နည်းဘယ်ပုံလဲ။

(၄) ခင်ဗျားအနေနဲ့ ပြဿနာကို ဘာ့ကြောင့် ဖြေရှင်းချင်ရတာလဲ။ ဘာ့ကြောင့်လဲ။

(၅) ဒီပြဿနာဟာ လတ်တလောဖြစ်နေတာလား။

(၆) တကယ်လို မဖြေရှင်းဘဲထားရင် အဲဒီပြဿနာဟာ အနာဂတ်မှာ ဆက်ဖြစ်နေဦးမှာလား။

(၇) ပြဿနာကြောင့် ဘယ်သူ(တွေ) အတိဒုက္ခ ခံစားနေရသလဲ။

(၈) ဒီပြဿနာက လက်ရှိအသိပညာ (Existing Knowledge) ဟာ ပြည့်စုံလုံလောက်ကြောင်း လက်ခံအတည်ပြုခြင်း သို့မဟုတ် ငြင်းပယ်အတည်မပြုခြင်း ဖြစ်လာမှာလား။ 

၎။ သုတေသနမေးခွန်းတွေ (Research  Questions) ကို ဘယ်လိုထုတ်မလဲ။

 ခင်ဗျားရဲ့ သုတေသနမေးခွန်းတွေဟာ လုတိုရှင်းဖြစ်ခြင်း၊ မိမိလုပ်မယ့်သုတေသနနဲ့ စပ်ဆိုင်ဆက်နွှယ်မှုရှိခြင်း၊ ထင်ရှားပြတ်သားခြင်းနဲ့ စေဒကတက်နိုင်မှုရှိခြင်းဆိုတဲ့ အင်္ဂါရပ်တွေနဲ့ ပြည့်စုံရပါမယ်။

 ကောင်းမွန်တဲ့ သုတေသနမေးခွန်းတွေက ခင်ဗျားရဲ့ သုတေသနအတွက် ကောင်းမွန်တဲ့ စင်္ကြန်လမ်းတစ်ခုကို ဖန်တီးပေးမှာ ဖြစ်ပါတယ်။ 

 ခင်ဗျားရဲ့ သုတေသနမေးခွန်းတွေဟာ ခင်ဗျားရဲ့ အဆိုပြုချက် (Proposal) အတွက်သာမကဘဲ နောက်ပိုင်းမှာ ဘွဲ့ယူကျမ်းစာ (Thesis) အတွက်ပါ ပင်မကျောရိုးဖြစ်ပါတယ်။

 အောက်ဖော်ပြပါအချက်တချို့က ခင်ဗျားရဲ့ သုတေသနမေးခွန်းများကို ရေးသားပြုစုရာမှာ ကူညီပံ့ပိုးနိုင်ပါလိမ့်မယ်။

(၁) ခင်ဗျားရော ခင်ဗျားရဲ့ အဆိုပြုချက်ကို ဖတ်ရှုမယ့်သူတွေပါ စိတ်ဝင်စားမှုရှိမယ့် အကြောင်းအရာ တစ်ခုကို ရွေးချယ်ပါ။

(၂) ပညာရှင်များပါဝင်ရေးသားပြုစုတဲ့ ဂျာနယ်များကို ဖတ်ရှုလေ့လာခြင်းမှတစ်ဆင့် ခင်ဗျားရွေးချယ်ထားတဲ့ အကြောင်းအရာအပေါ်မှာ စူးစမ်းစစ်ဆေးမှုပြုလုပ်ပြီး ခင်ဗျားနဲ့ အရည်အချင်းတူသူတွေဆီက ဘယ်လို မေးခွန်းတွေ ထွက်ပေါ်လာသလဲဆိုတာကို လေ့လာသုံးသပ်ပါ။

(၃) ခင်ဗျားရဲ့ သုတေသနမေးခွန်းတွေဟာ လွယ်ကူရိုးရှင်းတဲ့ကိစ္စရပ်တွေကို ဖြေကြားဖို့ မဖြစ်သင့်ပါဘူး။ ဖြေကြားချက်တွေအပေါ်မှာ ဝေဖန်ပိုင်းခြားသရုပ်ခွဲဆန်းစစ်မှုပြုပြီး ကွင်းဆင်းစပ်သပ်သုတေသနပြုရမယ့် ဖြေကြားချက်တွေကို ရရှိနိုင်မယ့် မေးခွန်းတွေ ဖြစ်ရပါမယ်။

အဲဒီမေးခွန်းတွေဟာ ဖြေဆိုသူအနေနဲ့ ဖြေကြားလိုစိတ် တက်ကြွလာအောင် နှိုးဆွပေးရမှာဖြစ်ပြီး ထူးခြားတဲ့ လေ့လာဆန်းစစ်မှုပြုရာမှာ အသုံးဝင်မယ့် ဖြေကြားချက်တွေကို ထွက်ပေါ်လာစေရမှာဖြစ်ပါတယ်။

(၄) ခင်ဗျားရဲ့ သုတေသနမေးခွန်းတွေဟာ သိပ်ပြီး မကျယ်ပြန့်လွန်းသင့်သလို သိပ်ပြီး ကျဉ်းမြောင်းတာမျိုးလည်း မဖြစ်သင့်ပါဘူး။ တကယ်လို့ သိပ်ပြီး ကျဉ်းမြောင်းလွန်းမယ်ဆိုရင် ခင်ဗျားအနေနဲ့ သုတေသနနဲ့ စပ်ဆိုင်တဲ့ သတင်းအချက်အလက်တွေရရှိဖို့ အခက်တွေ့နိုင်ပါတယ်။

(၅) မေးခွန်းတွေကို အသေးစိတ်ပြုစု သတ်မှတ်ခြင်း မပြုမီမှာ အဆိုပါမေးခွန်းတွေကို ခင်ဗျားရဲ့ ပါရဂူဘွဲ့ယူကျမ်းအတွက် ကြီးကြပ်သူ (Supervisor) ထံ တင်ပြပြီး အကြံဥာဏ်ရယူဖို့ မမေ့လျော့ပါနဲ့။ 

၅။ စာတမ်းသုံးသပ်ဆန်းစစ်ချက် (Literature  Review) ရေးသားနည်း

 စာတမ်းသုံးသပ်ဆန်းစစ်ချက်ဟာ အဆိုပြုချက်ရေးသားမှုလုပ်ငန်းစဉ်တိုင်း မလွဲမသွေ ကြုံတွေ့ရမယ့် ကိစ္စဖြစ်ပါတယ်။ 

တစ်နည်းအားဖြင့် ရေးသားတင်ပြမှုဆိုင်ရာ ဝေဖန်ဆန်းစစ်ချက်ဆိုတာ ခင်ဗျားရဲ့ သက်သေသာဓကပြု ရေးသားထားချက်တွေကို အရည်အသွေးပြည့်မီပြီး တရားဝင်အသိအမှတ်ပြုခံထားရတဲ့ ပညာရှင်နဲ့ သုတေသီများက စနစ်တကျ လေ့လာဆန်းစစ်ခြင်းပဲဖြစ်ပါတယ်။

 

ခင်ဗျားအနေနဲ့ မိမိရေးသားချက်တွေကို စစ်ဆေးမယ်သူများ သို့မဟုတ် ဖတ်ရှုမယ့်သူများထံ တင်ပြတဲ့အခါမှာ ခင်ဗျားရဲ့ ပြဿနာသတ်မှတ်ချက်နဲ့ စပ်လျဉ်းပြီး ဘယ်အသိပညာက သက်သေထူပြီးသား ဖြစ်ပြီး ဘယ်အသိပညာက ယခုတိုင် သက်သေထူရခြင်း မရှိသေးတာကြောင့် မိမိအနေနဲ့ သက်သေထူဖို့ အားထုတ်ခြင်းဖြစ်ကြောင်း ခင်ဗျားက ပြသရမှာဖြစ်ပါတယ်။ 

ခင်ဗျားရဲ့ ရေးသားတင်ပြချက်က ခင်ဗျားလုပ်မယ့် သုတေသနရဲ့ ရည်မှန်းချက်များ၊ မေးခွန်းများနဲ့ ခင်ဗျားရဲ့ ပြဿနာသတ်မှတ်ချက်တို့ကို ကျယ်လောင်ပြတ်သားစွာ ပြောကြားရမှာဖြစ်ပါတယ်။

 

ဒါ့ကြောင့် ခင်ဗျားရဲ့ စာတန်းသုံးသပ်ဆန်းစစ်ချက်ဟာ ခင်ဗျားရဲ့ သုတေသနကို ပြဋ္ဌာန်းသတ်မှတ်ပြီး ခိုင်လုံမှုရှိစေသင့်ပါတယ်။ 

အဲဒီ စာတန်းသုံးသပ်ဆန်းစစ်ချက်ဟာ ဖတ်ရှုသူတွေကို ဆွဲဆောင်မှုရှိစေရန်အတွက် ကျမ်းကိုးရည်ညွှန်း စာရင်းရှည်ကြီး မဖြစ်သလင့်သလို အနှစ်ချုပ်ပြန်လည်တင်ပြချက်တစ်ခုလည်း မဟုတ်ပါဘူး။

 PhD အဆိုပြုချက်ကို ခုခံကာကွယ်မှုပြုဖို့အတွက် မိမိရဲ့ စာတန်းသုံးသပ်ဆန်းစစ်ချက်ကို အကဲဖြတ်ရာမှာ ခင်ဗျားအနေနဲ့ မိမိကိုယ်ကိုယ် အောက်ပါမေးခွန်းတွေ ထုတ်ရပါမယ်။

(၁) စာတမ်းသုံးသပ်ဆန်းစစ်ချက်ဟာ သူ့ရဲ့ ပြဿနာသတ်မှတ်ချက်ရဲ့ စစ်မှန်မှုနဲ့စပ်လျဉ်းပြီး ရှင်းလင်းဖော်ပြနိုင်ရဲ့လား။

(၂) စာတမ်းသုံးသပ်ဆန်းစစ်ချက် ပြဿနာသတ်မှတ်ချက်ရဲ့ ခက်ထန်တင်းကျပ်မှုကို ပေါ်လွင်စေရန် ထူးခြားစွာ အထောက်အကူပြုရဲ့လား။

(၃) သုတေသီအနေနဲ့ လက်ရှိတည်ရှိနေတဲ့ အသိပညာအပေါ် သဘောတူလက်ခံခြင်း သို့မဟုတ် သဘောမတူလက်မခံခြင်း ရှိပါသလား။ ဘာ့ကြောင့်လဲ။

(၄) သုတေသီရဲ့ နောက်ဆုံးပိတ် ဆုံးဖြတ်သတ်မှတ်ချက် သို့မဟုတ် နိဂုံးကောက်ချက်ဟာ ခိုင်လုံခြင်း၊ ယုတ္တိတန်ခြင်းနဲ့ ယုံကြည်လက်ခံအောင် ဆွဲဆောင်နိုင်ခြင်းဆိုတဲ့ အင်္ဂါရပ်တွေနဲ့ ပြည့်စုံရဲ့လား။

(၅) သုတေသီအနေနဲ့ သူ့ရဲ့ ပြဿနာသတ်မှတ်ချက်နဲ့ စပ်လျဉ်းတဲ့ အတည်ပြုချက် သို့မဟုတ် ငြင်းပယ်ချက် တစ်စုံတစ်ရာ တွေ့ရှိပါသလား။

၆။ နည်းနာဗေဒ (Methodology) ကို ဘယ်လို ရေးသားမလဲ

 နည်းနာဗေဒ (Methodology) ဆိုတာက ခင်ဗျားရဲ့ သုတေသနအပေါ်မှာ သီအိုရီနည်းကျ သရုပ်ခွဲဆန်းစစ်ခြင်းဖြစ်ပြီး နည်းလမ်း (Method) ဆိုတာက စည်းစနစ်ကျနစွာ အစီအစဉ်တကျ စီမံခန့်ခွဲပြီး ခင်ဗျားရဲ့ သုတေနကို တိုင်းတာခြင်းဖြစ်ပါတယ်။ 

သုတေသနတစ်ခုရဲ့ နည်းနာဗေဒ (Method  of  a  Research) က ခင်ဗျားအနေနဲ့ မိမိရဲ့ သုတေသနကို ဘယ်လို အကောင်အထည်ဖော် ဆောင်ရွက်သွားမလဲဆိုတာကို ရွေးချယ်သတ်မှတ်ပေးပါတယ်။

 ပြီးတော့ ခင်ဗျားရဲ့ သုတေသနလုပ်ငန်း တိုးတက်မှုရှိအောင် ဘယ်လို လုပ်ဆောင်သွားရမယ်ဆိုတာကို ညွှန်ပြပေးပါတယ်။ 

နည်းနာဗေဒဟာ သုတေသီတစ်ဦးအနေနဲ့ လေ့လာဆန်းစစ်မှုဆိုင်ရာ ဆောင်ရွက်ချက်တွေကို တိုင်းတာသတ်မှတ်ရန်အတွက် အသုံးပြုတဲ့ ကိရိယာတန်ဆာပလာတစ်ခုနဲ့သာ တူညီပါတယ်။

 

မတူကွဲပြားခြားနားတဲ့ နည်းလမ်းတွေကို မတူကွဲပြားခြားနားတဲ့ လေ့လာဆန်းစစ်မှုတွေမှာ အသုံးပြုကြပါတယ်။

 ဒါ့ကြောင့် နည်းနာဗေဒက ခင်ဗျားရဲ့ လေ့လာဆန်းစစ်ချက်ဆိုင်ရာ ကြောင်းကျိုးဆီလျော်ညီညွတ်မှုနဲ့ စံနမူနာပြုအမှန်အဖြစ်ယူဆမှုတို့ကို ညွှန်ပြပြီး နည်းလမ်းက အဲဒီလိုဖြစ်အောင် လုပ်ဆောင်ရမယ့် နည်းကို ညွှန်ပြပါတယ်။

 ဥပမာအားဖြင့် လူသားတို့ရဲ့ ခံစားချက်များအပေါ် သုတေသနပြုတယ်ဆိုကြပါစို့။

ပမာဏခွဲခြားနည်း (Quantitative Method)၊ အမျိုးအစားခွဲခြားနည်း (Qualitative Method) နဲ့ သရုပ်ဖော်နည်း (Descriptive Method) တို့ပါဝင်တဲ့ သုံးဖက်စုံကြိဂံဖွဲ့တိုင်းနည်း (Triangulation Method) က နည်းနာဗေဒ (Methodlogy) ဖြစ်ပါတယ်။

 သုတေသနဒီဇိုင်း (Research  Design) ၊ လူဦးရေ (Population)၊ နမူနာ (Sample)၊ ကိရိယာတန်ဆာပလာ (Instrument)၊ ကြောင်းကျိုးညီညွတ်မှု (Validity)၊ မီခိုအားထားလောက်မှု (Reliability) နဲ့  ရလဒ် (Result) အစရှိတာတွေက နည်းလမ်း (Method) ဖြစ်ပါတယ်။

 ခင်ဗျားရဲ့ သုတေသန နည်းနာဗေဒကို သတ်မှတ်ရာမှာ အသုံးဝင်မယ့် အချက်အလက်တချို့ကတော့ …

(၁) ခင်ဗျား အကောင်အထည်ဖော်ဆောင်ရွက်မယ့် သုတေသနအမျိုးအစားအပေါ်မှာ မူတည်ပြီး အသုံးပြုမယ့် သုတေသနသုတေသန နည်းနာဗေဒကို ရွေးချယ်ပါ။

(၂) ခင်ဗျားရဲ့ လေ့လာဆန်းစစ်မှုနဲ့ ခင်ဗျားအသုံးပြုမယ့် သုတေသနနည်းနာဗေဒတို့ အကြားမှာရှိတဲ့ ရှင်းလင်းပြတ်သားပြီး တိကျတဲ့ ဆက်နွှယ်မှုတစ်ရပ်ကို ပြဋ္ဌာန်းသတ်မှတ်ပါ။

(၃) ခင်ဗျားရွေးချယ်ထားတဲ့ သုတေသနနည်းနာဗေဒက ခင်ဗျားရဲ့ သုတေသနမေးခွန်းတွေကို ဖြေဆိုနိုင်ခြင်း ရှိ၊ မရှိ မိမိကိုယ်ကိုယ် မေးခွန်းထုတ်ကြည့်ပါ။

(၄) စာတမ်းသုံးသပ်ဆန်းစစ်ချက် (Literature  Review) လိုမျိုး ခင်ဗျားရဲ့ သုတေသနနည်းနာဗေဒကို ရွေးချယ်ရခြင်းရဲ့ အဓိပ္ပာယ်ပြည့်ဝခိုင်လုံတဲ့ အကြောင်းပြချက်ကို ပံ့ပိုးပေးပါ။

(၅) ခင်ဗျားရဲ့ နည်းလမ်း (Method) ကို သုတေသနဒီဇိုင်း၊ လူဦးရေ၊ နမူနာ၊ ကိရိယာတန်ဆာပလာ၊ ကြောင်းကျိုးညီညွတ်မှု၊ မီခိုအားထားလောက်မှုနဲ့  ရလဒ်များနဲ့ အကောင်အထည်ဖော်မှုအဆင့်များအဖြစ် အဆင့်ဆင့်ပိုင်းခြားသတ်မှတ်ပါ။

(၆) အရေးအကြီးဆုံးကတော့ ခင်ဗျားရွေးချယ်တဲ့ သုတေသနနည်းနာဗေဒက ခင်ဗျားနဲ့ အဆင်ပြေ အံဝင်ခွင်ကျမှုရှိရဲ့လားဆိုတာကို မိမိကိုယ်ကိုယ် မေးမြန်းဆန်းစစ်ကြည့်ဖို့ပဲဖြစ်ပါတယ်။

၇။ သုတေသနရလဒ်များ (Research  Results) ကို ဘယ်လို ရေးသားမလဲ

 ခင်ဗျားရဲ့ PhD အဆိုပြုချက်က ဒီအဆင့်မှာ ထွက်ပေါ်လာမယ့်ရလဒ်တွေကို အသေးစိတ်တင်ပြစရာ မလိုအပ်ပါဘူး။

 PhD အဆိုပြုချက်ရေးသားခြင်းဆိုတဲ့ ဒီအဆင့်မှာ ခင်ဗျားအနေနဲ့ ခင်ဗျားရဲ့ ပြဿနာသတ်မှတ်ချက်နဲ့ သုတေသနမေးခွန်းတွေကို အတည်ပြုခြင်း သို့မဟုတ် ပယ်ချခြင်း ပြုစရာ မလိုအပ်သေးပါဘူး။

 ဒီအဆင့်မှာ ခင်ဗျားအနေနနဲ့ မိမိရဲ့ သုတေသနပြုမှုမှ ထွက်ပေါ်လာမယ့် အနာဂတ်ရလဒ်များအပေါ်မှာ အနုမာနမှန်းဆမှု (Hypothesis) သာ ပြုရမှာဖြစ်ပါတယ်။ 

ဥပမာအားဖြင့် ခင်ဗျားရဲ့ အကြောင်းအရာခေါင်းစဉ်က မက်ဂနီဆီယမ်ကလိုရိုက်နဲ့ သက်ဆိုင်နေတယ်ဆိုရင် “ဒီ စမ်းသပ်ချက်သုတေန (Experimental  Research) ဟာ မက်ဂနီဆီယမ်ကလိုရိုက်အနေနဲ့ ဆီးချိုဝေဒနာရှင်တွေရဲ့ သွေးတွင်းရှိ ဂလူးကို့စ်အဆင့်ကို ထိန်းချုပ်ရာမှာ အကူညီပေးသော ဟိုမုန်းတစ်မျိုးဖြစ်တဲ့ အင်ဆူလင်ဓာတ်ရဲ့ လှုပ်ရှားမှုအခြေအနေကို ပုံမှန်ဖြစ်အောင်လုပ်ဆောင်ပေးနိုင်ကြောင်း သက်သေထူပါမယ်”  ဆိုတဲ့ အနုမာနအဆိုကြမ်းကိုသာ ချမှတ်ရမှာ ဖြစ်ပါတယ်။ 

 

ရလဒ်နဲ့စပ်လျဉ်းတဲ့ ရှင်းလင်းတင်ပြချက်ဟာ ခင်ဗျားရဲ့ PhD ဘွဲ့ယူကျမ်းရဲ့ ရလဒ်ဆိုတဲ့အခန်းကို ရောက်သည်အထိ ဆက်စပ်နေမှာ ဖြစ်ပါတယ်။ 

ခင်ဗျားဟာ PhD ဘွဲ့ယူကျမ်းရဲ့ ရလဒ် (Result) အခန်းကို ရေးတဲ့အဆင့်ဆီ ရောက်ရှိလာခဲ့ပြီ ဆိုကြပါစို့။ 

ကွန်ဂရက်ကျူလေးရှင်းပါဗျာ။

ယခုအချိန်ဟာ ခင်ဗျားမျိုးစေ့ကြဲစိုက်ပျိုးခဲ့တဲ့ အပင်မှ အသီးအပွင့်တွေကို ရိတ်သိမ်းရမယ့်ကာလပါပဲ။

ခင်ဗျားရဲ့ တွေ့ရှိချက်တွေကို စာနဲ့ ရေးသားတင်ပြနိုင်သလို သရုပ်ဖော်ပုံတွေပါ ဖြည့်စွက်ပြီးတော့လည်း ကြေညာနိုင်ပါပြီ။

ခင်ဗျားဟာ မိမိရဲ့ တွေ့ရှိချက်တွေကို သက်သေအထောက်အထားနဲ့တကွ သရုပ်ဖော်တင်ပြရမှာ ဖြစ်တာကြောင့် ခင်ဗျားရဲ့ ပြဿနာသတ်မှတ်ချက်နဲ့ မေးခွန်းတွေကို ရှင်းလင်းပြတ်သားစွာ ဖြေရှင်းနိုင်ပြီ ဖြစ်ပါတယ်။ 

ခင်ဗျားရဲ့ ရလဒ်ဟာ အပေါင်းလက္ခဏာဆောင်နိုင်သလို အနုတ်လက္ခဏာလည်း ဆောင်နိုင်ပါတယ်။ 

အဲဒါဟာ အနုတ်လက္ခဏာဆောင် တွေ့ရှိချက်ပင် ဖြစ်စေဦးတော့၊ အဲဒီတွေ့ရှိချက်ဟာ လက်ရှိ အသိပညာနယ်ပယ်အတွက် ထူးခြားတဲ့ ပါဝင်အကျိုးပြုမှုတစ်ရပ်ပဲဖြစ်ပါတယ်။ 

ခင်ဗျားရဲ့ ရလဒ်ကို ကြေညာတဲ့အခါမှာ ကျွန်တော်၊ ကျွန်တော်တို့ သို့မဟုတ် ကျွန်တော့်တွေ့ရှိချက်ကတော့ ….. ၊ ကျွန်တော်တို့ တွေ့ရှိချက်ကတော့ ….. အစရှိတဲ့ စကားလုံးတွေ သုံးပြီး ညွှန်းဆိုတင်ပြမှု လုံးဝမပြုလုပ်ရပါဘူး။

အကြောင်းကတော့ အဲဒီလို ညွန်းဆိုတင်ပြတာမျိုးဟာ ပညာရှင်တစ်ဦးအနေနဲ့ ပရော်ဖက်ရှင်နယ်မဆန်တဲ့ ရေးသားချက်မျိုး ဖြစ်နေလို့ပါပဲ။ ဒါ့ကြောင့် အဲဒီလို ရေးသားမယ့်အစား ယခုသုတေသနက ………………..  ကို စူးစမ်းစစ်ဆေးတွေ့ရှိခဲ့ပါတယ်။

ယခု လေ့လာဆန်းစစ်ချက်က ………………………  ကို တွေ့ရှိခဲ့ပါတယ် ဆိုတဲ့ အရေးအသားမျိုးနဲ့ ရေးသားရမှာ ဖြစ်ပါတယ်။

ခင်ဗျားရဲ့ ရလဒ်တွေကို အစီရင်ခံတင်ပြရာမှာ ထည့်သွင်းစဉ်းစားရမယ့်အရာတွေကတော့ …..

(၁) ခင်ဗျားရဲ့ ရလဒ်အခန်းရဲ့ အစမှာ စာကြောင်းအနည်းငယ်နဲ့ နိဒါန်းကို ရေးသားပြီး ဒီအခန်းရဲ့ အဆုံးသတ်မှာလည်း စာကြောင်းအနည်းငယ်နဲ့ အနှစ်ချုပ်တင်ပြချက်ကို ရေးသားရမှာဖြစ်ပါတယ်။

ခင်ဗျားရဲ့ ကျမ်းကို ဖတ်ရှုမယ့်သူတွေကို ခင်ဗျားအနေနဲ့ ဘယ်လိုလုပ်ဖို့ သဘောရကြောင်းနဲ့ ယခုအထိ ခင်ဗျား ဘာတွေကို ပြီးမြောက်အောင်လုပ်ဆောင်ခဲ့သလဲကို အသိပေးတင်ပြတာဟာ ကောင်းမွန်တဲ့ လုပ်ဆောင်ချက်ပဲ ဖြစ်ပါတယ်။

ခင်ဗျားဟာ မိမိကျမ်းစာရဲ့ အခန်းတိုင်းမှာ အဲဒီ အလေ့အထကို ကျင့်သုံးသွားသင့်ပါတယ်။

(၂) ခင်ဗျားရဲ့ အမျိုးအစားခွဲခြားအချက်အလက် (Qualitiative  Data) နဲ့ ပမာဏခွဲခြားအချက်အလက် (Quantitative  Data) တွေကို သရုပ်ခွဲဆန်းစစ်မှုပြုရပါမယ်။

အမျိုးအစားခွဲခြားအချက်အလက်တွေထဲမှာ လူတွေ့မေးမြန်းမှုများ၊ စစ်တမ်းတုံ့ပြန်မှုများ၊ အီးမေးလ်၊ ခင်ဗျားရဲ့ ကိုယ်ပိုင်မှတ်စုများ၊ လေ့လာဆန်းစစ်မှုများ၊ တုံ့ပြန်သဘောထားများနဲ့ မေးခွန်းလွှာများပါဝင်ပါတယ်။

ပမာဏခွဲခြားအချက်အလက်တွေထဲမှာ စာရင်းအင်းပညာ၊ ရာခိုင်နှုန်းများနဲ့ ကိန်းဂဏန်းများပါဝင်ပါတယ်။

coooooooccccc

ခင်ဗျားကောက်ယူရရှိတဲ့ အချက်အလက်တွေရဲ့ သမတ်ကိန်း၊ နမူနာအချက်အလက်၊ ကြိမ်နှုန်း၊ ရာခိုင်နှုန်း စတာတွေကို သရုပ်ခွဲဆန်းစစ်ဖို့အတွက် စာရင်းအင်းဆိုင်ရာ လူမှုသိပ္ပံသုံးဆော့ဖ်ဝဲ (SPSS = Statistical  Package  for  Social  Sciences) ကို အသုံးပြုရပါမယ်။

ခင်ဗျားအနေနဲ့ SPSS မကျွမ်းကျင်ဘူးဆိုရင် ခင်ဗျားအတွက် တွက်ချက်မှုတွေပြုလုပ်ပေးဖို့ အဆိုပါဆော့ဖ်ဝဲကို ကျွမ်းကျင်စွာ အသုံးပြုတတ်သူတစ်ဦးကို ငှားရမ်းရပါမယ်။

(၃) ကောက်ယူထားတဲ့ အချက်အလက်တွေကို စနစ်တကျစုစည်းဖို့အတွက် ယေဘုယျမှသည် သီးသန့်အဖြစ် ထုတ်နုတ်ဆင်ခြင်မှုနည်းလမ်း(Deductive  Method) နဲ့ သီးသန့်မှသည် ယေဘုယျအဖြစ် ခြုံငုံသုံးသပ်ဆင်ခြင်မှုနည်းလမ်း (Inductive  Method) တို့ကို အသုံးပြုရပါမယ်။

(၄) ခင်ဗျား ကောက်ယူရရှိတဲ့ အချက်အလက်တွေအကြားမှာရှိသော စပ်ဆိုင်ဆက်နွှယ်မှုကို ဖော်ပြရမှာ ဖြစ်ပ

(၄) ခင်ဗျား ကောက်ယူရရှိတဲ့ အချက်အလက်တွေအကြားမှာရှိသော စပ်ဆိုင်ဆက်နွှယ်မှုကို ဖော်ပြရမှာ ဖြစ်သလို အဲဒီလို ဆက်နွှယ်နေကြောင်း ခိုင်မာစေတဲ့ အထောက်အထားတွေကိုလည်း ရှာဖွေရမှာ ဖြစ်ပါတယ်။

(၅)  ခင်ဗျားရဲ့ အချက်အလက်တွေမှာ မှီခိုအားထားနိုင်မှုနဲ့ ကျိုးကြောင်းဆီလျော်ညီညွတ်မှုတို့ ရှိစေဖို့အတွက် အကြိမ်အတန်အသင့် အပြန်အလှန်စစ်ဆေးမှုတွေ လုပ်ပေးရပါမယ်။ 

(၆) ဒီတော့ ခင်ဗျားရဲ့ လက်တွေ့စမ်းသပ်ချက်ဆီက ခင်ဗျား ဘာတွေ လေ့လာတွေ့ရှိခဲ့သလဲ။

ခင်ဗျားရဲ့ ကိုယ်ပိုင်မှတ်ချက် လုံးဝကင်းရှင်းစွာ အစီရင်ခံတင်ပြရပါမယ်။

(၇) ကွဲပြားခြားနားမှုတွေက ဘာတွေလဲ။ 

ခင်ဗျားအနေနဲ့ နှိုင်းယှဉ်သုံးသပ်မှုပြုမယ်ဆိုရင် T-Test  ကို အသုံးပြုပါ။

(၈) ခင်ဗျားရဲ့ တွေ့ရှိချက်တွေက ခင်ဗျားရဲ့ သုတေသနမေးခွန်းတွေကို ဖြေဆိုနိုင်ရဲ့လားဆိုတာကို သရုပ်ခွဲဆန်းစစ်ပြီး ခင်ဗျားရဲ့ ပြဿနာသတ်မှတ်ချက် (Problem Statement) အတွက် အဖြေတစ်ရပ်ကို ရှာပေးပါ။

ထပ်ပြောချင်တာက ခင်ဗျားရဲ့ ကိုယ်ပိုင်မှတ်ချက် တစ်စုံတစ်ရာ မပေးမိဖို့ သတိပြု ရှောင်ကြဉ်ဖို့ပါပဲ။

ခင်ဗျားရဲ့ နိဂုံးအခန်းနဲ့ ဆွေးနွေးတင်ပြချက်အခန်းတို့အတွက် ခင်ိဗျားရဲ့စွမ်းအင်ကို ချွေတာပါ။

ခင်ဗျားရဲ့ ရလဒ်တွေဟာ အမှန်တရားဖြစ်ပြီး အခြေခံမူလကျတာကြောင့် အစီရင်ခံစာရေးသားရာမှာ ပစ္စုပ္ပာန်ကြိယာနဲ့ပဲ ရေးသားဖို့ မမေ့ပါနဲ့။

ဥပမာအားဖြင့် … The  interviews  indicate  that ……..,   Research  show  that ………. အစရှိသည်ဖြင့် ရေးသားပါ။

၈။ နိဂုံး (Conclusion) နဲ့ ဆွေးနွေးချက် (Dicussion) ရေးသားနည်း

နိဂုံးနဲ့ ဆွေးနွေးတင်ပြချက်တို့ကို ဘယ်လို ရေးမလဲ/ နိဂုံးရေးသားရတဟာ နိဒါန်းရေးသားရသလိုပဲ ခက်ခဲပါတယ်။

နိဒါန်းနဲ့ နိဂုံးတို့အကြားရှိ အကြီးမားဆုံး ကွာခြားချက်တစ်ခုက နိဒါန်းမှာ ခင်ဗျားဟာ ခင်ဗျားရဲ့ ကျမ်းစာ ဖတ်ပရိသတ်အတွက် မေးခွန်းတွေကို ဖြစ်ပေါ်စေပြီး နိဂုံးမှာ ခင်ဗျားက အဆိုပါ မေးခွန်းတွေအတွက် အဖြေကို ဖော်ပြပေးခြင်းပဲဖြစ်ပါတယ်။

ဒီနေရာမှာ မမေ့မလျော့ရှိရမယ့် ကိစ္စတစ်ရပ်က စာပိုဒ်တစ်ပိုဒ်ဟာ ခင်ဗျားရဲ့ အဆိုပြုချက်ကြီး တစ်ခုလုံးရဲ့ အနှစ်ချုပ် ဖြစ်ကောင်းဖြစ်နေစေဦးတော့၊ နိဂုံးဟာ ခင်ဗျားနိဒါန်းရဲ့ အနှစ်ချုပ်ဖော်ပြချက်တစ်ခု မဟုတ်ဘူး ဆိုတာပါပဲ။

ဆွေးနွေးတင်ပြချက်မှာတော့ ခင်ဗျားရဲ့ ရလဒ်တွေကို တင်ပြပြီး ခင်ဗျားရဲ့ အဆိုကြမ်းကို ရေးသားတင်ပြခဲ့စဉ်က လုပ်ဆောင်ရန် ကတိပြုခဲ့တဲ့ လစ်ဟာချက်ကို ဖြည့်ဆည်းပေးရမှာ ဖြစ်ပါတယ်။

အနှစ်ချုပ်အားဖြင့်ဆိုရရင် ခင်ဗျားရဲ့ နိဂုံးနဲ့ ဆွေးနွေးတင်ပြချက်တို့ကို ရေးသားရာမှာ အောက်ပါအချက်တွေက အထောက်အကူပြုပါလိမ့်မယ်။

(၁) ရှင်းလင်းတဲ့ အင်္ဂလိပ်စာအရးအသားနဲ့ ရေးသားခြင်းအားဖြင့် ယခင်က ကျွန်တော်တို့ နားလည်မသိရှိခဲ့တဲ့ ကိစ္စကို ယခုအခါမှာ ကျွန်တော်တို့ နားလည်သိရှိလာမှာဖြစ်ပါတယ်။

ခင်ဗျားဘာသာဖတ်ဖို့ မဟုတ်ဘဲ အခြားလူတွေ ဖတ်ရှုဖို့ ရေးသားရမှာဖြစ်ပါတယ်။

ကျွန်တော် သို့မဟုတ် ကျွန်တော်တို့ သို့မဟုတ် ကျွန်တော် ……… လို တွေ့ရှိသည်ဆိုတာမျိုး ဘယ်တော့မှ မရေးသားပါနဲ့။

(၂) ခင်ဗျားရဲ့ ပြဿနာသတ်မှတ်ချက်ကို အဓိပ္ပာယ်ဖွင့်ဆိုပြီး ခင်ဗျားရဲ့ စာတမ်းသုံးသပ်ဆန်းစစ်ချက်ကဏ္ဍ (Literature  Review  Section) မှ အထောက်အထားနဲ့အတူ ဖော်ပြခြင်းအားဖြင့် ခင်ဗျားဟာ အသိပညာနယ်ပယ်မှာ ဖြစ်ပေါ်နေတဲ့ အဓိကဟာကွက်ကြီးတစ်ခုကို အမှန်တကယ် ဖြည့်ဆင်းပေးနိုင်ပါလိမ့်မယ်။

(၃) ခင်ဗျားရဲ့ အနုမာနအဆိုကြမ်းနဲ့ ပြဿနာသတ်မှတ်ချက်တို့ကို ခင်ဗျားရဲ့ စာတမ်းသုံးသပ်ဆန်းစစ်ချက်ကဏ္ဍ (Literature  Review  Section) မှ အထောက်အထားနဲ့အတူ ဖော်ပြပြီး ယုတ္တိနည်းကျ အကြောင်းပြချက် ပေးခြင်းအားဖြင့် ခင်ဗျား မှန်ကန်ကြောင်း ထုတ်ဖော်တင်ပြနိုင်မှာဖြစ်ပါတယ်။ 

(ဒီနေရာမှာ မိမိရဲ့ အနုမာနအဆိုကြမ်း (Hypothesis) မှားယွင်းကြောင်း ထုတ်ဖော်ပြသနိုင်ခဲ့မှာကို ပူပန်စရာ မလိုပါဘူး)

ဥပမာအားဖြင့် လေ့လာဆန်းစစ်ချက်က “မက်ဂနီဆီယမ်ကလိုရိုဒ်ဟာ စင်စစ်အားဖြင့် စိတ်ကျရောဂါအတွက် ကုသရန် အသုံး မ၀င်ဘူး “ လို့ အနုမာနအဆိုကြမ်းအဖြစ် ဖော်ပြခဲ့ပေမဲ့ လက်တွေ့ သုတေသန လုပ်လိုက်တဲ့အခါမှာ မက်ဂနီဆီယမ်ကလိုရိုဒ်က ပြင်းထန်တဲ့ စိတ်ကျရောဂါအတွက် ကုသရန် ဆေးတစ်ပါးဖြစ်ကြောင်း ခင်ဗျားရဲ့ လက်တွေ့စမ်းသပ်မှုရလဒ်က ဖော်ပြခဲ့တာမျိုးဖြစ်ပါတယ်။

ဒီနေရာအရောက်မှာ ခင်ဗျားရဲ့ အနုမာနအဆိုကြမ်းကို ထောက်ခံမှုပြုထားတဲ့ ပညာရှင်တွေရဲ့ ရေးသားဖော်ပြချက်များဆီက သက်သေအထောက်အထားတွေကို ပေးရပါမယ်။ 

အဲဒီလို ခင်ဗျားရဲ့ အနုမာနအဆိုကြမ်းကို ထောက်ခံတဲ့ ကိုးကားရည်ညွှန်းချက်တွေကို ခင်ဗျားရဲ့ စာတမ်းသုံးသပ်ချက်အခန်းမှာ ဖော်ပြသင့်ပါတယ်။

(၄) ခင်ဗျားပြုလုပ်တဲ့ လက်တွေ့စမ်းသပ်သုတေသနရဲ့ ထူးခြားအရေးပါသော အကျိုးပြုမှုကို အကြောင်းသင့် အကျိုးသင့် ဆွေးနွေးတင်ပြပြီး ခင်များသာ သုတေသန မပြုလုပ်ခဲ့ရင် အနာဂတ်မှာ ဆက်လက်တည်ရှိနေမယ့် အဓိကပြဿနာကြီးကို ဖြေရှင်းပေးနိုင်ခဲ့ကြောင်းကိုလည်း အသိပေးတင်ပြရပါမယ်။

(၅) ခင်ဗျားရဲ့ တွေ့ရှိချက်တွေကို တင်ပြဖို့အတွက် ခင်ဗျားရဲ့ အခိုင်အမာပြောကြားချက်တွေကို စာတမ်းသုံးသပ်ဆန်းစစ်ချက်ကဏ္ဍ (Literature  Review  Section) မှ အထောက်အထားတွေနဲ့ ပြန်လည် ဆက်စပ်ပေးရပါမယ်။ 

နောက်ဆုံးအနေနဲ့ သတိပေးလိုတာက စာကြောင်းရေ မနည်းလွန်း မများလွန်းဘဲ လိုတိုရှင်း ရေးသားဖော်ပြရန် မမေ့လျော့ဖို့ပဲ ဖြစ်ပါတယ်။ 

နိဂုံး

 အထက်မှာ တင်ပြခဲ့တာတွေကို ထောက်ရှုခြင်းအားဖြင့် ဘယ်မျှသေးငယ်တဲ့ အစိတ်အပိုင်းကို သုတေသနပြုပါစေ သိပ္ပံနည်းကျနည်းပညာ၊ ကြောင်းကျိုးဆီလျော်ညီညွတ်မှုရှိမရှိ ဆန်းစစ်ခြင်း၊ ယုံကြည်လောက်တဲ့အခြေအနေမှာ ရှိ၊ မရှိ ဆန်းစစ်ခြင်းနဲ့ ဘက်မလိုက်သော နိဂုံးကောက်ချက်ချခြင်းဆိုတဲ့ တင်းကျပ်တဲ့ စမ်းသပ်မှုတွေကို မလွဲမသွေ ဖြတ်သန်းရမှာ ဖြစ်ပါတယ်။ 

ဒါ့အပြင် PhD အဆိုပြုချက်တစ်ခုဟာ လက်ရှိ ပညာရပ်နယ်ပယ်ဆီသို့ ထူးခြားတဲ့ ပါဝင်အကျိုးပြုမှုတစ်ရပ်ကို ရှင်းလင်းဖော်ပြရပါမယ်။

အဆိုပြုချက်ဟာ လက်ရှိအသိပညာနယ်ပယ်မှာ တည်တံ့နေတဲ့ အယူအဆတစ်ရပ်ကို ထိပ်တိုက်ရင်ဆိုင် ဆန့်ကျင်ခြင်း သို့မဟုတ် မှန်ကန်ကြောင်း အထောက်အထားပြဆိုခြင်းဖြစ်ရပါမယ်။

အဆိုပြုချက်ဟာ ယခု Ph.D ဘွဲ့ယူရန် အားထုတ်နေသူဟာ ဘာကြောင့် သူအဆိုပြုထားတဲ့ သုတေသနကို ပြုလုပ်ရန် သင့်လျော်မှန်ကန်သူတစ်ဦးဖြစ်ကြောင်းကိုလည်း ရှင်းပြရပါမယ်။

အဆိုပြုချက်ဟာ ပြဿနာရဲ့ အခြေခံမူလဇာစ်မြစ်ကို ရှင်းလင်းစွာ ဖော်ပြရမှာ ဖြစ်သလို အဆိုပါ ပြဿနာကို အတည်ပြုခြင်း သို့မဟုတ် ငြင်းပယ်ခြင်း ပြုရာမှာ အသုံးပြုခဲ့တဲ့ ဝေဖန်ပိုင်းခြားတွေးခေါ်မှုနဲ့ ကျွမ်းကျင်မှုများကိုလည်း ဖော်ပြရပါမယ်။

အဆိုပြုချက်ဟာ ပြဿနာကို ဘယ်လို ဖြေရှင်းသွားနိုင်မလဲဆိုတာနဲ့ လက်ရှိအသိပညာနယ်ပယ်မှာ ရှိနေတဲ့ လစ်ဟာကွက်ကို ဘယ်နည်းဘယ်ပုံ ဖြည့်ဆည်းသွားနိုင်သလဲဆိုတာတို့ကို ရှင်းလင်းဖော်ပြရမှာဖြစ်ကြောင်း တင်ပြအပ်ပါတယ်။

Credit##၀င်းသိန်းဦး

၂၀၁၇ ခုနှစ်၊ မေလ၊ ၁ ရက်နေ့။

Ref: American   International   Journal   of   Contemporary   Research

credit: Sayar U Win Thein Oo